Il-hazin nirbhuh bit-tajjeb

Għalkemm diffiċli biex titwemmen, irridu nammettu li hawn min hu rresponsabli u nsensittiv fostna. Ma nistax nuza aggettivi ohra ghal persuna jew persuni li kienu nvoluti fl-atti kodardi ta' tkissir ta' madwar 100 sigra fil-Foresta 2000 fil-Mellieha. Tqacctu madwar mitt sigra taz-znuber (pini) li whud minnhom kienu fihom anke tul ta' 2.5metru u aktar b'zokk ta' madwar 6cm. Sigar li kienu thawlu minn familji jew tfal. Hafna minnhom b'tabelli li ghandhom kitba tat-tfal li hawluhom. Att kodard ta' vandalizmu kontra l-ambjent u kontra uliedna.

Din mhix l-ewwel darba li s-sit tal-Foresta 2000 spiċċa fil-mira ta’ attakk vandalu. Dan hu sit li hu mmexxi b’mod konġunt mill-Gvern, permezz tad-Dipartiment tal-PARKS li jaqa’ taħt il-Ministeru tiegħi, l-Birdlife Malta u Din l-Art Ħelwa. Huwa sit għal qalb il-poplu Malti u lkoll niftakru r-risposta nkredibbli li kien hemm meta fl-istess sit kienu tqaċċtu mat-3000 siġra. Minkejja l-mizuri ta' sigurta wiehed izomm f'rasu li dan hu sit fil-miftuħ u taghmel x'taghmel dejjem se jibqalek riskju ta’ attakki simili.

L-appell tiegħi hu biex jekk xi ħadd għandu xi informazzjoni biex jgħaddiha lill-pulizija halli forsi min hu responsabbli jitressaq quddiem il-ġustizzja. Imma l-appell tieghi huwa ukoll biex ma naqtgħux qalbna. L-aqwa risposta lil dawn il-vandali tkun parteċipazzjoni akbar fl-inizjattivi ta’ afforestazzjoni. Gimgha ilu kont mistieden tieg fejn l-gharajjes iddecidew li minflok jaghtu souvenirs ghat-tieg taghhom hawlu mal-40 sigra bhala tifkira ghall-okkazzjoni taghhom. Gest sabih li jinghaqad mal-inizjattivi l-ohra tal-kampanja 34U. Il-hazin irridu nirbhulu b'gesti bhal dawn. U f'Ottubru li gej nistiednu lil pubbliku jhawwel aktar sigar gewwa l-Mellieha. M'ghaniex dubju li se nsibu hafna li jwiegbu b'mod posittiv kif dejjem sibna s'issa.

Exit Louis, Enter Michael

Fi ftit granet ohra nghidu addio lil Louis Galea bhala Speaker u prattikament johrog mix-xena politika. Definittivament se nimmisjawh. Louis kien dejjem persuna ta’ valuri sodi u persuna b’sens qawwi ta’ lealta’ . Louis huwa wiehed mis-simboli tat-trasformazzjoni tal-PN lejn l-ahhar tas-snin sebghin u l-bidu tas-snin tmenin. Kien hu li flimkien ma’ Eddie hareg aktar fil-berah il-vizzjoni socjali u nkanala l-partit f’moviment popolari spirat mill-hsibijiet Demokratici Kristjani. Louis kien u ghadu persuna ta’ vizjoni u azzjoni. Fil-Kabinett kont nammira l-kapacita’ tieghu fl-analizi tas-sitwazzjoni politika. Kapaci jissintesizza b'Malti mirqum.

Louis Galea kien persuna li halla mpronta qawwija imbaghad bhala Ministru kemm responsabli mill-politika socjali kif ukoll bhala Ministru ghall-edukazzjoni bejn l-1998 u 2008. Bhala Ministru responsabli mill-politika socjali kien il-persuna li stabbilixxi l-kuncett ta’ servizzi personalizzati, sabiex l-enfasi jkun fuq servizz skond il-htigijiet ta’ dik il-persuna. Louis stabbilixxi wkoll l-agenziji ta’ appogg li jaghtu dawn is-servizzi. Bhala Ministru tal-Edukazzjoni saq riforma qawwija fis-settur u kien strumentali biex rega’ gie stabbilit l-Kullegg ghall-Arti u x-Xjenza, l-MCAST.

Jitlaq is-siggu Louis u jidhol Michael Frendo wara decizzjoni unanima tal-Grupp Parlamentari tal-PN il-bierah. Michael huwa wiehed mill-generazzjoni ta’ wara Louis fil-PN u l-generazzjoni ta’ qabli. Ili naf lil Michael ghal snin twal sa minn meta kien attiv fil-politika tal-istudenti fl-Universita’. Michael dahal fil-Parlament fl-1987 u dejjem qeghda dmiru bl-akbar dedikazzjoni. Ghadda minn mumenti difficli meta spicca taht il-mira ta’ kampanja ta’ vjolenza morali. Imma Michael gharaf jikkumbatti anke ghax ghandu karattru mibni fuq principji sodi. M’ghandix dubju li Michael se jirnexxielu jkompli l-hidma li beda Louis bhala Speaker fis-Select Committee kif ukoll se jkattar l-ispirtu ta’ djalogu bejn il-Gvern u l-Opposizzjoni.

Tlett Mumenti

Il-Papa gej, gie u telaq ! Jekk issaqsini liema kienu l-mumenti li l-aktar se niftakar kienu bazikament tlieta. L-ewwel lil dik il-familja b’persuna bi bzonnijiet specjali li telghu bl-offertorju waqt il-quddiesa. Stajt nara l-ferh fuq wicc l-omm huma u mexjin lura f’posthom. Speci kienet qed tghid “Irnexxielna !”. Familja simbolu tal-familji kollha Maltin u Ghawdxin li jgorru piss aktar minn ta’ haddiehor kuljum, izda jgorruh b’imhabba u b’fidi f’Gesu Kristu.

It-tieni mument kien ovvjament dak meta jien u Lourdes iltqajna mieghu fil-Palazz. Kienet it-tieni laqgha taghna mieghu. L-ewwel darba kien fil-Vatikan tlett snin ilu meta ltqajna mieghu flimkien mat-tifla u l-genituri tal-mara

It-tielet mument kien waqt ic-cerimonja tat-tluq, meta l-Papa appella lil Malta ghal “ħidma mimlija sfidi favur djalogu u kooperazzjoni fl-ambitu tal-komunitajiet internazzjonali u Ewropej, fejn Malta tagħti xhieda tal-valuri Nsara li għenu biex tissawwar l-identità tagħha. Unità, solidarjetà u rispett reċiproku huma l-bażi tal-ħajja soċjali u politika tagħkom……It-teżor tat-tagħlim soċjali tal-Knisja jispira u jiggwida dawn l-isforzi.” Dan fakkarni f’appell li ghamilt dan l-ahhar lill-Arcisqof. Ghidt li f’pajjizna l-Knisja ghanda bzonn twaqqaf Skola Politika miftuha ghal kulhadd li fiha tiprepara persuni ghall-impenn fil-komunita’ bbazat fuq it-taghlim socjali tal-Knisja.

Din iz-zjara kienet wahda qasira izda b’sinifikat qawwi. Jalla z-zjara twassal ghal tigdid aktar dinamiku tal-Knisja u s-socjeta’ Maltija fit-taghlim li gab f’pajjizna San Pawl 1950 sena ilu. Ghamel sew l-Arcisqof Cremona li fid-diskors tieghu rrefera ghal fatt li “s-soċjetà nbidlet u hija sfida għall-Knisja Kattolika li teżamina lilha nnifisha u l-metodu ta’ evanġelizzazzjoni tagħha” u li l-Knisja lokali hija “ispirati mit-temi ewlenin tal-Ittri Enċikliċi” tal-Papa Benedittu XVI b’referenza ghal Deus Caritas Est, Spe Salvi u l-Caritas in Veritate.

Ghal ghajn il-Papa !

Tlesta x-xoghol ta' restawr fuq il-funtana tat-telgha tas-Saqqajja, ir-Rabat. Ix- xoghol ta' restawr fuq il-funtana beda fl-ahhar ta' Mejju 2009 mill-haddiema tar-Restoration Unit fi hdan il-Ministeru. Onestament kienet tweggghali ghajnejja kull meta nghaddi minn hemm. Kienet mitluqa, b'hafna mil-lavur kien qed jintilef u kienet kwazi bdiet tiggarraf.

Din il-funtana nbniet mill-Gran Mastru Vilhena lejn nofs is-seklu tmintax fuq il-post fejn diga kien hemm nixxiegha ta' l-ilma gieri. Il-funtana hija wahda mill-isbah, b'hafna skultura, mibnija b'gebel tal-franka, gholja u wiesa hdax il-metru.

Ix-xoghol, li sewa mal-€15,000, eskluz pagi tal-haddiema, inkluda tindif, tikhil, tibdil u restawr ta' gebel. Kien mehtieg hafna xoghol ta' skultura, partikolarment fil-partijiet ta' fuq tal-funtana, fejn il-hsara kienet aktar qawwija. Fl-ahhar inghata wkoll il-kulur li rrizulta li kien diga jezisti fil-passat, ghax inkixef waqt ix-xoghol ta' investigazzjonijiet li saru.

F'dan il-pajjiz hawn min isib x'imaqdar dejjem, taghmel x'taghmel. Wiehed Joseph Micallef il-bierah kiteb f''The Times on line li din il-funtana kienet "restored for the eyes of the Pope as well! " Miskin. Nesa li x-xoghol lejn l-ahhar ta' Mejju tas-sena l-ohra, meta zgur hadd ma ghadu kien jaf li gej il-Papa, wisq anqas meta gej !

http://www.timesofmalta.com/articles/view/20100415/local/saqqajja-hill-fountain-restored

Storja ta' success

Matul l-ahhar sentejn ghamilna verament qabza ta' kwalita fis-servizzi li qed noffru fil-qasam tal-harsien tal-annimali. Il-bierah zort id-Dipartiment għat-Trattament Xieraq tal-Annimali f’għeluq is-sentejn minn mindu waqqafnih. Kien ilu jinħass il-bżonn li f’pajjiżna jkollna dipartiment li jħares lill-annimali li sfortument jisfaw maħqura jew abbandunati minn nies irresponsabbli. Il-ħaddiema ta’ dan id-dipartiment taht it-tmexxija tad-Direttur Mario Spiteri, ħadmu bla heda biex illum wasalna fejn wasalna.

F’Jannar ta’ din is-sena, wara proġett pilota li wettaqna s-sena l-oħra, bdiet topera l-ambulanza għall-annimali mill-istess dipartiment 24 siegħa kuljum. F’dawn l-ewwel 3 xhur ta’ din is-sena dan is-servizz issejjaħ għal aktar minn 500 darba. Hasra pero li kien hemm mal-50 telefonata falza. Minn naħa l-ohra huwa ta’ sodisfazzjon li madwar 30% tal-klieb salvati qed isibu familja li tilqagħhom. Biex inziedu n-numru ta' annimali addottati se ntejjbu l-website tad-Dipartiment halli ikun hemm ritratti tal-annimali li jkunu fi stat li jistgħu jiġu addottati, wara li jkunu trattati.

Kemm ilu mwaqqaf id-Dipartiment ghamel ‘l fuq minn 1,000 spezzjoni f’pet shops, irziezet, santwarji u fi djar privati, wara rapporti ta’ allegat moħqrija. Sa llum ittieħdu, jew se jittieħdu, passi kriminali kontra 25 persuna fil-Qorti.

Id-dipartiment wettaq ukoll programm ta' neutering ta’ l-annimali tat-triq. Gew trattati aktar minn 2,000 strays. Dan sar b’investiment ta’ aktar minn €200,000. Il-pass li jmiss hu li nintroducu regolamenti li jaghmluha obligatorja li klieb tat-tip 'Pit Bull' u razez simili jiġu kollha micro-chipped. B'hekk is-sid tagħhom ikun dejjem jista jiġi traċċat u f’każ li dawn l-annimali jkunu abbandunati jkun jista jiġi ddentifikat min ikun wettaq dan ir-reat. B'mod gradwali rridu naslu biex il-klieb kollha jkunu micro-chipped.

Aktar progetti

Dalghodu zort ix-xogholijiet li L-Ministeru qed jaghmel fuq iz-zuntier tal-Knisja tal-Mosta, liema knisja kienet inbniet ghal habta tal-1860. Bazikament qed jinbidel il-parapett kollu taz-zuntier li kien ta' periklu ghan-nies. Din il-knisja apparti li hija post ta' qima hija ukoll post li hafna turisti jzuru f'pajjizna. Ix-xoghol qed isir skond id-disinji originali tal-perit Giorgio Grognet de Vassé. Dan ix-xoghol qed isir minn nies tas-sengha anke ghax wiehed irid japrezza li dan mhux facli anke ghax il-parapett huwa fit-tond u kull bicca minnu ghandu kurvatura differenti. Barra hekk hemm xoghol fuq il-hadid li jzomm is-soprabank tar-recint. Tajjeb nghid li l-Knisja se tohrog parti mill-ispejjez

Hsibna ukoll li nintroducu zewg sicilian fountains taht iz-zuntier, li kienu inkluzi fil-pjanti originali ta' Grognet izda li effettivament qatt ma saru. Originarjament tajjeb wiehed ghid li Grognet kien iddisinja anke obelisk biex isir fil-piazza. Dan ukoll qatt ma sar u llum difficli li jsir minhabba t-traffiku. Dan ix-xoghol kollu se jiswa lill-Gvern madwar €200,000.

Illum ukoll iltqajt mal-Kunsill Lokali ta' Marsaxlokk sabiex nispjega x-xoghlijiet li se jkomplu fuq ix-xatt ta' hemmhekk. Is-sena l-ohra konna diga ghamilna x-xoghol fuq bankini godda fuq in-naha tal-bini. Meta gejna biex naghmlu x-xoghol fuq il-promenade ghamilna kundizzjoni cara. Mhux se nonfqu flus pubblici biex naghmlu x-xoghol, imbaghad inhallu vannijiet inkluz ta' dawk li jarmaw il-monti, jitilghu fuq il-promenade bir-rizultat li wara zmien qasir nibdew bi hsarat. Iddiskutejna diversi options. Il-Kunsill Lokali qal tieghu, tal-hwienet u s-sajjieda qalu taghhom u tal-Monti qalu taghhom ukoll. Smajna lil kulhadd u issa ddecidejna. L-option li ghazilna jaqbel maghha l-Kunsill Lokali. Tal-Monti se jithallew jarmaw izda mhux se jithallew jarmaw bil-vannijiet fuq il-promenade. Ix-xoghol, li se jqum madwar €2 Miljun, mistenni jibda fil-granet li gejjin.

Irrid Nghix

Ghadni kemm spiccajt naqra l-ktieb ta’ Annabelle Vassallo “Irrid nghix”. Ktieb li sahharni bis-semplicita’ tieghu izda fl-istess sammarni bis-sahha tal-messaggi li fih. F'dan il-ktieb Annabelle tirrakonta kif ghaddiet l-ahhar tlett snin tiggieled il-marda qerrieda tal-kancer b’Gesu’ magenba. Ghandha fidi u kuragg kbir. Nixtieq imqar ikolli 10% tal-fidi u l-kuragg taghha jekk qatt inkun fis-sitwazzjoni taghha !

Lil Annabelle ili nafha mhux hazin. Minn meta kienet saret segretarja ta’ Fr.Peter Serracino Inglott fil-bidu tas-snin 90 u wara ghamlet xi zmien tahdem mieghi fis-segretarjat tieghi. Tfajla semplici u normali b’qalb kbira. Is-semplicita’ u r-rieda taghha serqu l-qlub tal-hafna li ma kienux jafuha u saru jafuha permezz tal-programm Xarabank. Mhux ta’ b’xejn li dan il-ktieb sar l-aktar ktieb li nbiegh f’pajjizna fl-ahhar snin ! Permezz tal-messagg taghha qed taghmel hafna gid. Fil-ktieb tikwota sms li jien bghattilha xi gimghat ilu (fost hafna smss ohra ta’ hbieb) qabel ma dehret fil-programm. Kont ghidtilha: “Il-genna jistghu jistennewk ghalissa ! Qed taghmel hafna gid hawn !” U aktar ma jghaddi z-zmien aktar jidher li ghandi ragun !

Il-ktieb huwa miktub mill-qalb. Fih tahlita ta’ morr u helu. Apparti r-rakkonti ta’ qsim il-qalb li jaghfsulek qalbek, hemm ukoll battuti helwin li jgibulek tbissima. Fih ukoll gabra ta’ talb li joffri lil Annabelle ftit mill-medicina biex tkompli taffronta l-marda b’kuragg ghax temmen li l-misteru tal-Mulej difficli nifmuh. Il-ktieb verament jghinek tapprezza l-valur tal-hajja. Annabelle il-“clapper” tirrakonta kif ghaliha “kull gurnata hija rigal sabih” u ghalhekk qed tkompli tiggieled “l-iljun” ta’ go fiha ! Annabelle prosit u grazzi tal-wirt li tajtna f’dan il-ktieb.