Sant’Antnin se jkun ikkummercjalizzat issa !

Tipikament ta’ kif jahdem dan il-Gvern, il-gimgha li ghaddiet il-Ministru tal-Ambjent Leo Brincat f’diskors li kien qed jaghmel zerzaq sentenza fejn qal li l-Gvern ghandu pjan avvanzat biex ‘jikkumercjalizza’ l-family park ta’ Wied il-Ghajn. Hu gie rrappurtat jghid ukoll li l-Gvern se jizgura li ‘l-access ghall-post jibqa’ b’xejn’.  Sentenza li ghal hafna ghaddiet bla ma taw kasha zzejjed, pero sentenza jien innutajtha.

Leo Brincat ghandu hafna hafna aktar x’jispjega dwar dan il-park.  Dan hu l-istess Ministru li fost l-ewwel decizjonijiet li ha kif dahal fil-kariga kien li jaghlaq dan il-Park ghal xhur shah bl-iskuza li hareg l-livell ta’ kubrit fl-arja kien “perikoluz” ghan-nies jekk imorru hemm. Skuza banali l-aktar meta wiehed jikkunsidra li l-haddiema tal-impjant inniffsu thallew jahdmu normali.  Issa wara sena nduna li dan il-post ghandu valur u allura se jikkummercjalizzah. 

Il-verita’ hija li mhux kapaci jmexxih u allura jrid jghaddih lill-privat biex imexxih hu. Jekk tmur sa hemmhekk tinduna li qieghed f’telqa generali.  Tal-misthija ! U dan wara li f’konferenza stampa meta rega’ fethu ghall-pubbliku qal li waqqaf kumitat ta’ tmexxija ! Ma jaghmilx hazin il-Prim Ministru li fir-reshuffle jekk izommu lil Leo Brincat jahtru l-Ministru tal-Inkompetenza.

Probabilment irid “jikkummercjalizza” il-Park tal-Familja wkoll biex jifranka xi sold mill-ispiza tieghu. Dan Gvern galantom biex jivvinta mpjieg ghan-nies tal-qalba kollha, imma mbaghad jixxahhah mal-familji Maltin.    Jekk il-Gvern huwa tant iddisprat ghall-flus, kull ma ghandu jaghmel hu li jasal wasla sal-impjant ta’ Sant’Antnin u jnaqqas ftit minn dawk tal-qalba li fl-ahhar gimghat ivvintawlhom impjieg, l-ahhar fosthom lill-kap tal-ahbarjiet Manuel Micallef li minghajr ebda sejha gie ingaggat mal-WasteServ.  U lil ex deputat tal-PN li servihom tajjeb meta kienu fl-Opposizzjoni li nhatar il-Perit tal-WasteServ.  Ovvjament ukoll minghajr l-ebda sejha pubblika !  Dan Gvern galantom ghal tal-qalba pero xhih mal-familji u mat-tfal Maltin u Ghawdxin. 

Jistahba wara r-rapport

Kull fejn immur kulhadd ikellimni fuq it-thassida li ghamel l-Ministru Leo Brincat meta ghall-ebda raguni valida, qabad u ghalaq il-Park tal-Familja biswiet l-impjant ta’ Sant’Antnin ! Park li tant kien popolari li hu kkalkulat li kienu jzuruh mat-30,000 persuna kull weekend. Nghid li ghalqu b’kapricc ghax fl-istqarrijiet kollha tal-Gvern hu stess ammetta li l-livell ta’ kubrit fl-arja dejjem kienu taht il-livelli accettabli mill-Unjoni Ewropea.  Allura tohrog wahedha l-mistoqsija: Jekk il-livelli ta’ kubrit qatt ma kienu ta’ periklu ghaliex ghalaqtu ?!

 

Il-Ministru Leo Brincat qabbad tlett persuni biex id-deċiżjoni stramba tiegħu jipprova jaħbiha wara rapport flok jerfa r-responsabbiltà u jgħid verament x'wasslu biex jagħlaq il-Park ta’ Wied il-Għajn. Ghamel hekk biex ghal darb’ohra jahli aktar hin jiprova jmaqdar dak li sab.  S’issa ma smajniex imqar sentenza wahda ta’ x’behsiebu jaghmel hu f’dan il-qasam, li ahna gibna rivoluzzjoni fih minkejja t-tfixkil tieghu u ta’ shabu ! 

 

U nghid jien jekk it-tlett esperti kienu jafu fil-bidu ta’ Mejju li kien hemm xi “effetti” ta’ emissjonijiet ta’ kubrit fl-arja, ghaliex hallew sa nofs Lulju biex jaghlqu l-park ?  Tajjeb wiehed ifakkar li sa gimgha qabel ma nghalaq fil-Park kien hemm weekend camping mill-Scouts !   U jekk hemm periklu ghall-persuni li jzuru l-Park tal-Familja, ghaliex ma hemmx periklu ghall-haddiema li jahdmu fl-istess impjant ?  Mistoqsija ovvja, li ma tridx tkun xi professur biex taghmilha. 

 

Fuq kollox tajjeb nghidu li din il-problema inholqot fil-bidu ta’ Mejju ta’ din is-sena, meta parti mill-impjant, li jissejjah hydroliser, zviluppatilha hsara.   Issa jien infurmat li din suppost li kellha tissewwa f’sitt gimghat.  Mela l-aktar l-aktar sa nofs Gunju kellha tkun lesta.  Imma wasalna issa kwazi f’nofs Awissu u din ghadha ma trangatx.  Ghaliex dan id-dewmien ?  Meta se tissewwa ?

 

Irridu nfakkru li l-post fejn sar dan il-Park kienet mizbla li kien beda l-gvern Laburista tas-snin sebghin u tmenin li Leo Brincat kien jifforma parti minnu.  Ahna kburin li minn mizbla tajna lill-poplu park mill-isbah b’fondi ewropej,  liema park issa spicca fil-mira ta’ dan il-Gvern biex minghalih itappan dak li ghamel il-Gvern immexxi mill-PN.  U issa qed taharqu qalbu lil Leo Brincat ghall-emissjonijiet ta’ kubrit.  Irrid infakkru li mill-1990 'l hawn, l-ogħla livelli ta' Sulphur Dioxide (SO2) fl-arja reġistrati ġewwa Malta kien fl-1998, l-aħħar sena ta' Gvern Laburista. Minn dik is-sena, l-emissjonijiet ta' Sulphur Dioxide (SO2) fl-arja ġewwa Malta niżlu b'74%, li huwa tnaqqis aħjar minn dak fl-Unjoni Ewropea.   

Ghadu ma fehem xejn !

Ergajna bi gvern bhal dak ta’ Alfred Sant li mohhu biex jikkummissjona r-rapporti biex jistahba warajhom.  Rapporti fuq rapporti biex jezaminaw in-“nuqqasijiet” tal-Gvern precedenti.  Igibu skuzi fuq kollox.  L-aktar tipiku l-Ministru Leo Brincat.  Idur minn post ghall-iehor biex ifittex id-difetti, u jispicca jirrepeti nuqqasijiet li skond hu jkunu qalulu n-nies minghajr biss jindenja ruhu jiccekja dak li jkunu qalulu !  Jghidilna li talab rapport minghand xi teknici, imma mbaghad meta mistoqsi min huma t-teknici, fi spirtu ta’ trasparenza kbira ma jghidilniex ! 

Kaz tipiku kien meta ghamel zjara qasira li ghamel fil-Park tal-Familja f’Wied il-Ghajn.  Dak li l-eluf ta’ familji Maltin zaru’ bi hgarhom u apprezzaw bil-kbir, il-Ministru Brincat pprova jxejnu biex minghalih jumilja lill-gvern precedenti. Nesa’ jghid li dan il-Park sar fuq miżbla li nħolqot minn Gvern Laburista tas-sebghinijiet, meta hu dahal fil-politika, u li kien biss Gvern Nazzjonalista li ttrasforma din il-miżbla fi spazzju pubbliku ta’ rikrejazzjoni li llum hu kkalkulat li mat-30,000 persuna jzuru kull nhar ta’ Hadd.  Park li kien jifforma parti mill-vizjoni li kellu l-Gvern precedenti ghan-nies tan-nofs in-nhar ta’ Malta meta investa mas-sitt miljun ewro fi spazju pubbliku l-gmiel tieghu.  

 

Qalilna li se jwaqqaf kumitat tekniku biex jezamina l-impatt fuq l-arja tal-madwar.  Lanqas biss jaf li s-Sindku ta’ Wied il-Ghajn (li ghal giehna huwa Laburist) diga jippartecipa fuq kumitat indipendenti li ghandu l-ghan li janalizza l-kwalità tal-arja u s-saħħa ambjentali.   Qalilna li fil-park ghadu ghaddejin ix-xoghol fuqu u jmissu ma nfetahx.  Veru li ghadhom ghaddejjin xi xoghlijiet f’bicca zghira mill-park  imma dawn ma jfixklu bl-ebda mod l-uzu tal-park, kif jafu jghidu l-eluf kbar li diga zaru l-post.  Imbaghad qal li ma hsibniex ghan-nies biex imexxuh.  Il-verita’ hi li l-Ministru Brincat qieghed f’paniku ghax fejn qabel il-Parks Unit kien ikun assistit mit-Taqsima tax-Xogholijiet issa dawn iz-zewg entitajiet infirdu u Leo Brincat baqa’ bla haddiema u bla security officers u qed jikkundanna lill-Gvern precedenti li ma hasibx ghan-nies !  

 

Il-Ministru Brincat, ghandu bzonn jifhem li hu Ministru u mhux aktar kelliem tal-Opposizzjoni u allura xoghlu hu li juza l-fondi ghall-progetti li l-Gvern precedenti kien ivvota taht il-Ministeru ghar-Rizorsi u Affarijiet Rurali u jibda x-xoghol fuq il-waterpark li thalla spazju ghalih fil-Park ghall-Familja.  Jekk issa li sparpaljaw il-Ministeri u l-Ministeru tieghu spicca minghajr fondi kapitali dik hija xhieda ta’ nuqqas ta’ ko-ordinazzjoni f’dan il-gvern gdid.  Issa sta ghalih li jsib soluzzjoni u mhux joqghod isib l-iskuzi biex jitfa’ t-tort fuq haddiehor.  

 

Meta Leo Brincat jitkellem fuq l-immaniggjar tal-iskart jikkonferma kemm ma kien fehem xejn fl-Opposizzjoni u issa fil-Gvern ukoll ghadu ma fehem xejn.  Jidher car li ghadu ma fehemx li l-WasteServ mhijiex l-entita li tirregola s-suq fl-immaniggjar tal-iskart. Nibza li qed jaghmel il-kritika li qed jaghmel ghax ghandu agenda biex jiggustifika xi tkeccijiet ta’ nies li hemm diga.

Jipruvaw itapnu t-track record posittiv

Tlaqna għall-elezzjoni. Aħna nitilqu bi track record posittiv x’nuru u ħaddieħor kampanja negattiva u wegħdi biss. It-track record tagħna fil-qasam tal-immaniġjar tal-iskart huwa evidenti u jkiddhom lil tal-Opposizzjoni. Qed jagħmlu l-isforzi kollha tagħhom biex jipruvaw itappnu dak li għamilna minkejja t-tfixkil kollu tagħhom. Joseph Muscat u Leo Brincat qed jipprovaw iħawwdu l-imħuħ billi jibnu argument fuq premessa żbaljata. Ġew jgħidulna li kuntratt li tat il-WasteServ minn miljun euro tela’ ghal 29 miljun euro. Qed jghidu l-ħmerijiet.

Il-kuntratt li qed jirreferu għalih ingħata lil kumpanija privata biex tipprovdi servizzi ta’ ħaddiema biex jaħdmu fl-impjanti tal-Wasteserv. Kuntrarjament għal dak li taw x’jifhem, il-valur tal-aġġudikazzjoni kien a bażi tal-management fee (commission) biss għal kull ħaddiem. Ma kienx jinkludi spejjeżoħra bħal pagi, bonuses u allowances. B’hekk il-valur tat-tender mhux veru li tela’ minn miljun għal 29miljun Ewro. Il-valur ta’ 29 miljun jinkludu wkoll l-ispejjeż ta’ 4 snin pagi, liema pagi ma kienux inklużi fil-valur tal-kuntratt.

U dan għamilnih għax ma ridniex li l-ħaddiema li jaħdmu mal-WasteServ ikunu suġġetti għall-pagi li joghġbu joffri l-kuntrattur privat imma l-ammont tal-paga jkun daqs dak mogħti lill-ħaddiema tal-Gvern fl-istess gradi. Biex ma jkunx hemm sfrtuttament tal-ħaddiema. Għamilna ħażin b’hekk ? Ta’ min jgħid ukoll li kull estensjoni għall-kuntratt oriġinali kellha dejjem l-approvazzjoni tad-Dipartiment tal-Kuntratti. Dan kollu ġie spjegat b’mod dettaljat mill-WasteServ lill-Awditur.

Gie spjegat ukoll lill-Awdituri Indipendenti tal-WasteServ,l-istess Awdituri li l-Onor Brincat qal li nehhejnihom, imma metanduna li qal ħmerija! Fil-Management Letter ghas-sena bazi 2011 dawn l-Awdituri qalu li dak li għamlet il-WasteServ “shows a marked improvement in the Company’s control and management and of its financial reporting systems” U jkomplu “over a brief period of time have progressively addressed all the points raised in previous management letters and together with securing the Company’s assets also achieved greater transparency.”

Il-fatt li wasalna li żammejna kelmitna u se nagħtu anke tnaqqis fil-kont tad-dawl lil madwar 7,000 persuna li jgħixu vicin l-impjant ta’ Sant’Antnin, kiddithom wisq lil Joseph Muscat & Co ! Għalhekk qed jirreaġixxu hekk !

Zammejna l-weghda taghna

Nhar il-Hadd li ghadda mijiet ta’ familji zaru l-Impjant tar-Riciklagg ta’ Sant’ Antnin f’Wied il-Ghajn li ghal darb’ohra fetah il-bibien tieghu ghall-pubbliku. Il-familji kellhom l-opportunità li jzuru l-operat tal-impjant filwaqt li kien hemm gurnata ta’ divertiment  ghall-familja kollha.  Kien atmosfera verament sabiha.  Jien mort ghal habta tan-nofsiegha u bejnietna hsieb li mhu se jkun hemm hadd dak il-hin peress li huwa l-hin tal-ikel.  Izda kont zbaljat.  Iltqajt ma’ bosta familji kwazi kollha bit-tfal maghhom u sahansitra ltqjt ma’ 6 turisti li anke huma hadu l-guided tour. 

 

Dan l-impjant sar b’investiment ta’ €27 miljun b’kofinanzjament tal-Unjoni Ewropea, minkejja l-opposizzjoni kollha li kellna niffacjaw minghand min suppost kien jaf ahjar, inkluz dak li llum huwa l-Kap tal-Opposizzjoni, Joe Muscat, li kien ghamel minn kollox biex jwaqqaf il-fondi tal-UE ghal dan il-progett.  L-ahhar estenzjoni ta’ dan l-impjant  tkun il-Mechanical Biological Treatment Plant (MBT Plant).   Minn kemm ilu jopera l-MBT madwar 88,000 tunnellata ta’ skart gew trattati biex issa mill-iskart qed tkun generata l-energija nadifa.

 

Dan wassalna biex nintroducu Good Neighbourhood Scheme li permezz taghha persuni li joqghodu f'ragg ta' 1.5km mic-centru tal-Impjant ta' Sant'Antnin issa se jibdew jircievu b’xejn 150 unit ta’ elettriku kull wiehed, permezz ta’ cheque li jissarraf meta jithallas il-kont tad-dawl. Biex naghti ezempju r-rebate fuq il-kont tad-dawl ghall-familja ta' 4 persuni se jkun ta' madwar 96 euro kull sena.  Din il-mizura ntlaqghet tajjeb hafna.  Konna weghdna li dan l-impjant se jitmexxa kif suppost u eventwalment ir-residenti fil-qrib igawdu anke minnu.  Ghal darb’ohra wrejna li l-weghdiet taghna nwettquhom. 

 

Matul l-ahhar 8 snin irnexxielna ndahhlu attitudni gdida fis-socjeta’ Maltija fil-qasam tal-immanigjar  tal-iskart. Bdejna s-sistema ta’ separazzjoni tal-iskart mid-djar permezz tal-iskema Irricikla t-Tlieta. Bejn l-2008 u Settembru 2012 ingabru madwar 60,000 tunnellata ta’ skart li dahal fl-impjant ta’ Sant’Antnin halli jkompli jigi separat halli jigi esportat. Barra hekk mic-Centri li jilqghu fihom skart goff fil-Maghtab, l-Imriehel, Hal Far, Hal Luqa, u x-Xewkija Ghawdex, il-WasteServ gabret aktar minn 85,000 tunnellata ta’ skart goff domestiku minn dawn is-siti.   Bl-iskart isepparat migbur ghar-riciklagg il-WasteServ esportat aktar minn 1700 container (tal-40 pied) bejn l-2009 u  Settembru  2012 b’valur ta’ ‘l fuq minn 3 Miljun Euro.

L-akbar park fin-naħa t'isfel ta' Malta

Fil-ġranet li għaddew flimkien mal-Prim Ministru żort ix-xogħlijiet li jinsabu għaddejjin fuq il-bini ta’ family park f’Wied il-Għajn f’żona li fis-snin 70 u 80 kienet tintuża bħala miżbla.  Dan il-park qed isir b’investiment ta’ €6 miljun b’għajnuna minn fondi tal-Unjoni Ewropea. Minn Diċembru ta’ din is-sena l-familji se jkunu jistgħu jibdew igawdu minn park uniku għax-xorta tiegħu f’pajjiżna b’bosta attrazzjonijiet li jinkludu: landscaped mazes (waħda għat-tfal u oħra għall-kbar) u rock climbing wall, amfi-teatru b’seating capacity ta’ 450 ruħ, horse tracking u cycling routes, out door gym, picninc areas u dog park. 

Dan il-park se jkun qed jgħin ukoll lill-għaqdiet ta’ Marsaskala. Se jingħata post minn fejn ikunu jistgħu joperaw il-Girl Guides tal-lokal kif ukoll il-park se jkun attrezzat b’numru ta’ facilitajiet rikrejattivi li fih ikunu jistgħu jiġu pprattikati bosta dixxiplini sportivi fosthom il-football. Fil-fatt f’dan il-park se jkun hemm five-a-side football pitch. Attrazzjoni oħra f’dan il-park se jkun razzett li qed ikun restawrat, biex it-tfal ikollhom kuntatt dirett mal-annimali, kif ukoll minnu jinbiegħu prodotti tal-ikel tipici ta’ pajjizna. F’dan il-park se jitħawwlu ‘l fuq minn 17,000 siġra u arbuxell li se jissaqqew minn gibjun kbir li nbena fuq is-sit. 

F’dan il-Park, li jinsab maġenb l-impjant ta’ Sant’Antnin, inbena wkoll Ċentru ta’ Informazzjoni għall-Viżitaturi kif ukoll isiervi ta’ entrata għall-istess impjant. Dan iċ-ċentru għandu l-iskop li jipprovdi informazzjoni dwar it-trattament tal-iskart u kif minn din ir-riżorsa tiġi ġġenerata l-enerġija nadifa. Is-sħana ġenerata mill-impjant ukoll se tintuża biex isaħħan il-pool tal-Inspire. Huwa ironiku li nhar is-Sibt li għadda meta ftaħna l-Water Park f’Bugibba kien hemm uħud li fuq il-media elettronika kkritikawna li ma nagħmlux proġetti fin-naħa t’isfel ta’ Malta !  Kienu diġa insew jew ippruvaw inessu li jumejn qabel biss konna dan is-sit li se joffri l-akbar park fin-naħa t’isfel ta’ pajjiżna !  U li fih ukoll se niprovdu Water Park ieħor !

Zwieg bejn rizorsi differenti

Fejn kont qatt nohlom li se jigi xi hadd jitlob biex jaghmel kuncert ta' muzika klassika gewwa l-impjant tar-riciklagg ta’ Sant’Antnin ! Dak l-impjant li xi whud tant bezzghu lill-komunita fuqu ! Izda hekk gara. Ftit ilu kiteb Karl Fiorini, id-direttur artistiku ta' The International Spring Orchestra Festival jitlob li jorganizza wahda mis-serati ta’ dan il-Festival gewwa dan l-impjant ! Ilqajna t-talba u nhar il-Hamis filghaxija kont wiehed minn dawk li kelli l-pjacir nisma lir-Rotterdam Ensemble jaghtu kuncert f’ambjent differenti minn dak tat-teatru. Hekk kif il-kultura u l-patrimonju Malti huma rizorsa ghal pajjizna, hekk ukoll l-iskart li jigi trattat f’dan l-impjant sar illum rizors importanti ghalina .

Dan l-Ensemble twaqqaf fl-2006 mid-Direttur zaghzugh Messikan Roberto Beltran-Zavala u huwa ffurmat minn zghazagh minn 9 pajjizi differenti. Kull sena dan il-grupp jibni programm ta’ inizjattivi kulturali originali sabiex iressqu l-muzika klassika lejn il-pubbliku l-aktar wiesa. F’Karl Fiorini sabu habib u kollaboratur peress li anke Karl jsostni li hawn min għandu l-impressjoni li l-mużika klassika hija l-mużika tal-borgezija iżda Fiorini qed jaghmel hiltu kollha biex ibiddel din il-percezzjoni. Karl isostni li l- mużika klassika tista tintgħoġob minn kulħadd, ladarba wieħed ikun kurjuż bizzejjed biex jagħmel l -ewwel pass.

Fl-intervall ittellghet imbaghad sfilata ta’ kostumi klassici maghmula minn drapp, fil-fatt purtieri, u materjal riciklat li jkun ingabar mis-siti tal-iskart goff (civic amenity sites). Il-hwejjeg gew disinjati u mahduma miz-zghazagh li qed jippartecipaw fil-programm Care Creates Change li l-WasteServ Malta qed torganizza permezz ta’ fondi tal-Unjoni Ewropea. L-ghan ta’ dan il-progett hu li dawn it-trainees jidhlu ghad-dinja tax-xoghol fil-qasam tar- Resource Waste Management.

Waqt il-kuncert ghidt lic-Chairman tal-WasteServ, Ben Farrugia, li l-idea ta’ dan iz-zwieg bejn ir-rizorsi artistici mar-rizorsa tal-iskart, li l-bniedem qed jaghraf japrezza aktar, huwa esperiment li ghandu jitkompla u idealment l-WasteServ ghanda tipprova torganizza inizjattiva simili ghallanqas darba fis-sena. Fis-snin li gejjin dan definittivament se jsir aktar possibli hekk kif ikun lest il-Park tal-Familja biswiet dan l-istess impjant. L-idea li nibbet Karl Fiorini jixirqilha nkoraggiment u appogg biex tkompli tigi zviluppata. Grazzi Karl tal-fiducja !

Imxejt skond il-ligi

Ma ssorprendejt ruħi xejn li d-deputat Laburista Leo Brincat il-bierah għażel li juża ż-żewġ artikli tiegħu, bil-Malti u bl-Ingliż, biex fihom jirrepeti l-argumenti qarrieqa tal-Oppożizzjoni wara s-sentenza li tat il-Qorti dan l-aħħar fuq il-process tal-appell fuq il-permess ghall-impjant ta’ Sant’Antnin.

Il-Qorti irreferiet ghall-Ligi dwar l-Ippjanar tal-Izvilupp b’mod partikolari l-artikolu 15 li jitratta l-komposizzjoni tal-Bord ta’ l-Appelli dwar l-Ippjanar u qalet dan ma jiprovdiex “appearance of independence”. Il-fatti huma li din id-decizjoni, la direttament, u wisq anqas indirettament, ma sabitni ħati ta’ ksur ta’ xi dritt fundamentali kif Leo Brincat ghogbu jikteb. Tant hu hekk li fl-istess deċiżjoni tal-Qorti lanqas ma hemm indikat li jien, bħala Ministru responsabbli, b’xi mod involvejt ruħi fil-proċess quddiem il-Bord ta’ l-Appell. Il-każ kien deċiż fuq "appearance of independence" u mhux li ġara xi ħaġa li permezz tagħha ġie miksur xi dritt fundamentali.

Jien imxejt skond il-ligi. Il-Qorti sabet li l-ligi jehtieg tinbidel, kif fil-fatt diga nbidlet minn dak inhar li saret il-kawza. Imma l-fatti ma jgħoddux għal widnejn l-Onor Brincat. L-Onor Brincat, bħall-Partit li jahdem fih, jinteressahom biss li jħammġu u jitfgħu t-tajn. L-Onor Brincat żgur li mhux l-aktar politiku adatt li jitkellem fuq id-drittijiet tal-bniedem meta huwa wieħed mill-fdalijiet ta’ reġim soċjalista li, fost oxxenitajiet kbar oħra, iggverna għal ħames snin kontra r-rieda tal-poplu u ghamel attakk wara l-iehor fuq id-drittijiet fundamentali tal-bniedem. Dak iż-żmien Brincat ma kellu ebda diffikulta’ li jifforma parti minn dak il-Gvern, u jiggustifika dawk l-azzjonijiet. Leo Brincat jiprova jnessina xi kultant li hu ghal sentejn serva bħala Segretarju Parlamentari responsabbli mill-Informazzjoni tal-Gvern u mill-Housing f'regim li ma kellux il-fiducja tal-poplu.

3 Mumenti f'Sant'Antnin

Inhossni mpressjonat bir-rispons tan-nies ghall-Open Weekend gewwa l-impjant tar-riciklagg f’Sant’Antnin Wied il-Ghajn. Hu kkalkulat li zaru il-facilita’ madwar sitt elef ruh fuq tlett ijiem. Illum il-Hadd kellhom jestendu l-hin tal-gheluq mill-4.00pm ghall-5.00pm daqs kemm marru nies. In-nies urew l-apprezzament taghhom ghall-impjanti li bnejna f’dan ic-centru b’nefqa ta’ madwar 27 miljun euro, li minnhom madwar 18-il miljun gew mill-Unjoni Ewropea.

Kien hemm tlett mumenti verament sbieh minn nhar il-Hamis filghodu meta il-Prim Ministru fetah din il-facilita’ b’mod ufficjali. L-ewwel wiehed kien meta l-Prim Ministru kixef il-monument ta’ tifkira, li fih innifsu ukoll huwa messagg: monument maghmul mill-gebel riciklat. Monument li sar mill-artist Agius. F’dak il-mument ghidt f’qalbi “Fl-ahhar !” wara tant tfixkil li sibna minkejja li ppruvajna mill-ahjar li nistghu biex infehmu t-titjib li konna se naghmlu.

Mument sinifikanti iehor kien meta l-Hamis filghaxija ltqajt ma’ ragel u martu li gew ir-riceviment li ghamilna ghar-residenti gewwa l-istess impjant. Verament hadt gost narah hemmhekk. Niftakar sew li fl-2005 fis-suppost laqgha ta’ nformazzjoni li kont organizzajt ghar-residenti ta’ M’Scala, dan ir-ragel kien minn ta’ quddiem jghajjat u jopponi d-decizjoni taghna. Irrid nirringrazzjah ghas-sens gholi ta’ maturita’ li wera. Ma qghadx lura milli jigi. U dan apprezzajtu hafna. Verament xtaqt li l-Kap tal-Opposizzjoni wera l-istess livell ta’ maturita’ ta’ dan ir-ragel u gie hu wkoll, minkejja li fl-istess laqgha tal-2005 tghidx kemm kien hambaq li se jaghmel hiltu bhala MEP biex jifriza l-fondi ewropej. Izda ghal darb’ohra il-Partit Laburista baqa’ ankrat mal-passat.

It-tielet u l-isbah mument kien dak tal-Gimgha filghodu meta akkumpanjajt tfal mill-iskejjel ta’ M’Scala u Zejtun ghal zjara fil-facilita’. Mument minnhom gie tifel zghir u staqsini “Sir, ghaliex gewwa hemm ir-riha ta’ skart u hawn barra ma hawnx ?” Ippruvajt nispjegalu l-kuncett ta’ negative pressure fejn li l-arja ta’ gewwa l-bini ma tithalliex tohrog barra u l-arja tispicca tinharaq halli telimina r-riha. Imqar li l-udjenza generali li ffacjajna matul l-ahhar snin kienet kurjuza bizzejjed li tfittex ir-risposti u mhux tibqa mghaddsa fil-pregudizzji !

Monument ghad-determinazzjoni

Dalgħodu żort il-haddiema u t-teknici tal-agenzija tal-Gvern ghall-immanigjar tal-iskart, WasteServ, li issa gew trasferiti minn ufficini tal-WasteServ f’Sta.Venera ghall-binjiet biswiet l-impjant ta’ Sant’ Antnin f’Wied il-Għajn. Impjant li se jinfetah mill-Prim Ministru fis-26 ta’ Novembru . Fil-verita se nlestu t-tielet fazi, dik tas-sistema tad-digestjoni fejn l-iskart tal-ikel jigi ffermentat f’tankijiet kbar halli jaghtina gass u kompost. Fl-ahhar sentejn uzajna l-ewwel zewg impjanti minn tlieta f’dan ic-centru.

Bit-trasferiment tal-ufficini tal-amministrazzjoni minn Sta.Venera ghal Sant’Antnin, il-WasteServ qed twassal messaġġ b’saħħtu li dan l-impjant m’hux talli mhux ta’ detrement għas-saħħa tar-residenti tal-madwar, talli l-istess amministraturi tal-WasteServ stess lesti jahdmu kuljum vicin l-istess impjant. Il-madwar 60 haddiem li issa ghandhom l-ufficini taghhom f’Wied il-ghajn jiffurmaw parti mit-team ta’ 150 ħaddiem tal-WasteServ. Hafna minn dawn il-haddiema huma impjiegi ġodda fil-qasam ambjentali, msejħa green jobs. Fil-fatt Gejtu Vella, Segretarju tal-UHM, li akkumpanjani f’din iz-zjara, f’kumment li ta lil media rrimarka l-qabza li ghamel pajjizna fil-generazzjoni ta’ impjiegi fil-qasam ambjentali.

U l-Oppożizzjoni fejn hi f’dan it-tibdil kollu? B’dispjaċir ikolli nosserva li mhux biss ma tgħinx, saħansitra hi minn ta’ quddiem nett biex tfixkel. Sant’Antnin daqs kemm hu monument ghad-determinazzjoni taghna ghall-ambjent ahjar, huwa wkoll monument ghall-irresponsabilita’ tal-Oppożizzjoni. Ma nista ninsa qatt it-tfixkil li sibna mill-Opposizzjoni biex wasalna. Sahansitra kellna lil dak li llum huwa l-Kap tal-Opposizzjoni, Joseph Muscat, jiddikjara li se jaghmel minn kollox biex jifriza l-fondi tal-UE, igifieri madwar 19-il Miljun Euro minn 26 Miljun Euro. Imma jidher li l-Labour ma tghallem xejn minn din l-esperjenza ta’ Sant’Antnin. Ghadhom jipruvaw ibezzghu u jfixklu f’kull inizjattiva li niehdu. Ippruvaw jaghmlu l-istess dan l-ahhar fuq t-trattament tal-iskart perikoluz f’pajjizna. Imma l-kritika taghhom ma ghamlet xejn hlief uriet bl-aktar mod car li lanqas biss jafu b’dak li diga sar ! Opposizzjoni maqtugha mir-realta’.

Irricikla t-Tlieta

Il-kampanja ta’ ġbir isseparat ta’ skart minn wara l-bibien tad-djar imsejħa ’Irriċikla t-Tlieta’ jidher li qed izzid fil-popolarita’ u qed tikseb rizultati inkoraġġanti. Il-bieraħ kelli l-okkazjoni li flimkien mas-Segretarju Parlamentari Chris Said immur Ħ’Attard u hemmhekk nitkellem fuq din il-kampanja, u nħabbar ukoll xi inizjattivi biex din il-kampanja tkompli titjieb.

Ma morniex Ħ’Attard b’kumbinazzjoni imma għaliex Ħ’Attard huwa l-aktar raħal li ras għal ras qed jikkontribwixxi għal din l-iskema. Ħadt gost nara b’għajnejja d-djar kollha bil-borza l-griza ta’ l-iskart isseparat wara l-bieb. Ħabbart li ser jitniehda premju annwali għall-aktar tliet kunsilli lokali li jikkontribwixxu għal din l-iskema.

Ħadt gost inħabbar kif f’Mejju 2008 inġabar 613,460 kilos ta’ skart isseparat, kemm mid-djar kif ukoll mill-bring-in sites. F'Mejju tas-sena l-ohra konna gbarna xi 257,000 kilos. Fatt interessanti hu li minkejja li l-ammont ta’ skart isseparat qiegħed dejjem jizdied, dan mhux qed iwassal għal uzu anqas tal-bring-in sites. Anzi, l-uzu tal-bring-in sites effettivament kompla jizdied, minkejja li qed jizdied ukoll il-ġbir ta’ skart isseparat mid-djar. Fatt interessanti ieħor hu li z-zieda fil-materjal miġbur mill-bring-in sites mhuwiex biss dovut għaz-zieda fl-uzu ta’ plastik u dan huwa kkonfermat miċ-ċifri.

Dan kollu mhux isir b’kumbinazzjoni. Mhux biss huwa importanti li qed niġbru dan l-iskart imma li għandna wkoll fejn nieħduh biex nitrattawh. Ma nistax ma nsemmix l-ostakli li sibna biex għamilna l-impjant ta’ Sant’Antnin, pero llum permezz tiegħu nistħgu nserrħu rasna li għandna fejn nitrattaw l-iskart tagħna.

Ilkoll nafu x’inhu ghaddej f'Napli. Napli mhux bogħod minnha pero għall-grazzja t’Alla hemm baħar jaqsam bejn dak li qed jiġri hawn u l-problemi li qed jiffaċċjaw il-ġirien tagħna.