Zewg proposti

Fl-ewwel diskors tieghu bhala Kap tal-Oppożizzjoni, Simon Busuttil spjega kif il-PN se jaqdi dmiru b’lealta’ fl-Opposizzjoni. Se niflu bir-reqqa dak kollu li jaghmel il-gvern, naqblu fejn ikun qed isir it-tajjeb u nikkoperaw fejn mehtieg, imma pronti biex nikritikaw fejn inhossu l-htiega dejjem b’ghan wiehed li naqdu dmirna ghall-ahjar ġid ta’ pajjiżna. 

 

Simon Busuttil spjega kif il-Kumitati tal-Parlament li twaqqfu taht amministrazzjonijiet tal-PN se jkollhom il-ħidma sħiħa tal-Oppożizzjoni biex fil-Parlament ikun hemm djalogu kostruttiv. Ahna se naghtu sehmna biex naraw li  t-tajjeb li diġà għandu pajjiżna jitkattar u l-ħsara li tista' ssir titnaqqas kemm jista' jkun. Se naghtu sehmna wkoll biex fejn hemm bzonn tkun emendata l-Kostituzzjoni ta’ pajjizna halli din fejn hemm bzonn tiggedded izda kif qal tajjeb Simon Busuttil ahna nistennew serjetà f'kull pass biex isir dan it-tibdil.

 

Fuq kollox, Simon Busuttil spjega kif l-Oppożizzjoni se tkun gvern alternattiv li tagħti lill-pajjiż kollu proposti validi u ċari.  Proposti li jinbnew minn djalogu miftuh mal-poplu. Il-Kap il-ġdid tal-Oppożizzjoni fil-fatt mill-ewwel għadda biex għamel żewġ proposti konkreti ġodda. L-ewwel proposta li jitwaqqaf kumitat tal-petizzjonijiet ħalli ċ-ċittadini kollha Maltin ikunu jistgħu jressqu talbiet quddiem il-Parlament Malti. 

 

It-tieni propona li terġa' tidħol fis-seħħ il-liġi li kien għadda Gvern Nazzjonalista fid-disgħinijiet – u li tneħħiet minn Gvern Laburista – biex l-Oppożizzjoni jkollha membru fuq numru ta' korporazzjonijiet u entitajiet tal-Gvern, mhux biex tmexxi hi – ghax hija ovvja li b’membru wieħed ma tistax – imma biex tkun tista' teżamina sew mill-qrib dak li jkun qed isir.  

Ricetta ġdida: Kawlata a la Sammut !

Id-Deputat Laburista Joe Sammut għamel żmien iservi bħala kelliem tal-Opposizzjoni dwar is-Sajd.  Nifhem li jista’ jkun ma naqblux fuq ċertu punti, pero żgur li nistenna hu li dan id-Deputat għallinqas ikollu għarfien bażiku ta’ ċertu realtajiet fil-qasam tas-sajd.   F’artiklu ppublikat f’L-Orizzont ta’ llum, jagħmel taħwida papali jew kawlata bil-ħut ! Għal darb’oħra jipprova jwebbel b’affarijiet fiergħa lis-sajjieda.  Qabel ma kiteb Sammut messu ċċekkja li l-Konvenzjoni Internazzjonali li tirregola t-tonn jisimha ICCAT, li tfisser International Convention for the Conservation of Atlantic Tuna u mhux ICAD (mhux żball tat-tipa żgur għax ripetut aktar minn darba!), kif kiteb hu.  Dan l-iżball huwa biss preludju għal sensiela mpressjonanti ta’ żbalji oħra li hemm fl-artiklu.

M’huwiex veru li l-Gvern qasam il-kwota nazzjonali tat-tonn bejn longliners u purse-seiners (u mhux perseinors Onor Sammut !).  Kieku sempliċiment staqsa kien ikun jaf li l-Gvern din is-sena, bi qbil mal-koperattivi tas-sajjieda, ħalla jaħdmu biss bastimenti longliners.  

L-istess ħmerijiet  kitibhom ukoll fir-rigward tal-pixxispad.  Hawn m’hawnx kwota u allura m’għandux x’jaqsam xibka jew sunnara. Barra minn hekk, ta’ min wieħed jinnota li l-qbid tal-pixxispad permezz tal-purse-seiner huwa llegali.  Fis-settur tal-pixxispad daħlu regolamenti dwar daqs minimu tal-ħut li jrid jinqabad kif ukoll perjodu ta’ closed season.  Evidenti li l-Onor Sammut lanqas jaf fuq xhiex qed jitkellem f’dan l-artiklu.

Apparti li nixtieq inkun naf jekk il-pożizzjoni tal-Onor Sammut hijiex ukoll il-pożizzjoni uffiċjali tal-Opposizzjoni ?   Jekk tkun fil-Gvern l-Oppożizzjoni beħsiebha tinjora l-obbligi li daħlet għalihom il-komunita’ internazzjonali, mhux biss l-Ewropa, dwar  miżuri ta’ konservazzjoni favur ċertu speċi ta’ ħut u tpoġġi fil-periklu lis-sajjieda għax tesponi s-sajd malti għal sanzjonijiet  ?  Għal darb’oħra qed naraw il-mod dilettantesk u opportunist li fuqu ssawwar il-politika tagħha l-Opposizzjoni anke fuq il-qasam tas-sajd ! Imbasta jippużaw taħt is-slogan Għaqal fit-Tmexxija.  Fil-fatt riedu jgħidu Tbażwir fit-Tmexxija !

Carm Mifsud Bonnici - raġel eżemplari

Illum l-Opposizzjoni sparat fuq Carm Mifsud Bonnici.  Persuna li ili nafha minn meta kelli sittax-il sena.  Persuna konvinta mill-principji, b’karattru msejjes fuq il-valuri u tal-aqwa mġieba.  Bniedem li f’ħidmietu dejjem insista sabiex iż-żgħir jiġi mgħejjun jitla ‘l fuq.  X’ironija ! Imbagħad issib lil membri tal-Opposizzjoni li għax bla skruplu vvutaw biex jumiljawh u ġegħluh jilgħaq it-trab tal-art !

Carm jibqa jissemma għal ħidmitu l-aktar fuq l-immigrazzjoni rregolari u l-obbligu li nwieġbu għal dan il-fenomenu a bażi ta’ prinċipji u mhux a bażi ta’ opportuniżmu kif għamel fl-imgħoddi l-Kap tal-Oppożizzjoni Joseph Muscat meta qalilna li lil dawn il-persuni dgħajfa għandna nħalluhom f’nofs ta’ baħar.

Flimkien ma’ Richard Cachia Caruana, Tonio Borg u l-Prim Ministru, Carm  ħadem u stinka biex ġab dan is-suġġett fuq nett tal-aġenda Ewropea.  Saħansitra wassal biex Malta llum tospita wkoll istituzzjoni Ewropea, l-Uffiċċju Ewropew għas-Sostenn fil-Qasam tal-Ażil.  Hemm pajjizi ohra fl-UE li sa llum ma jospitawx xi Agenzija tal-UE.

Imma Carm għax raġel, accetta l-kundanna, minkejja li jaf li ma kenitx kundanna mistħoqqa.  Għazel li jirriżenja.  Mhux għax falla imma għax spicca bħala l-ħaruf tas-sagrificcju ta’ min għandu kilba għamja għall-poter u huwa vendikattiv.  F’dan il-mument difficli ħsibijieti jmorru f’Carm u l-familja tiegħu, specjalment martu Sandra li għażlet li tiġi l-Parlament għas-seduti kollha tal-mozzjoni.  Kuraġġ Carm il-battalja tkompli u naf li se nsibuk quddiem magħna biex tkompli taghti l-kontribut tieghek.

Vjolenza morali

F’dawn il-ġranet bdew is-seduti fil-Kumitat tal-Affarijiet Barranin tal-Parlament dwar il-mozzjoni ta’ ċensura li ressqet l-Oppożizzjoni kontra r-Raprezentant Permanenti ghall-Unjoni Ewropea, Richard Cachia Caruana.  Il-bieraħ xehed il-Prim Ministru. Il-Prim Ministru ppublika dokumenti li juru kemm il-mozzjoni tal-Oppożizzjoni hija waħda infondata u m’għandha ebda bażi ta’ prova. 

Kif qal tajjeb il-Prim Ministru l-bieraħ, l-Oppożizzjoni għażlet li temmen verżjoni ta’ xi ufficjal barrani u għaġglet biex tressaq mozzjoni mingħajr ma għamlet tentattiv wieħed biex tivverifika l-fatti mal-Gvern Malti.  Kull ma kellha tagħmel l-Oppożizzjoni hu li titlob il-minuti tal-laqgħat, liema minuti issa huma pubblici. Fl-isfond tal-informazzjoni li diġa ħarġet fl-ewwel jum ta’ xhieda, għandu jkollha d-diċenza li tirrikonsidra l-mozzjoni li ressqet. B'dak li gara s'issa biss, bizzejjed biex tikkonvinci ruhek kemm għandna Oppożizzjoni mhux preparata u li moħħa biss biex takkwista vantaġġ politiku.

Il-Prim Ministru elenka kronoloġija ta’ kif seħħew il-fatti u kif dawn jikkontradixxu l-verżjoni li ta d-diplomatiku tal-Gvern Amerikan li wara kien ikkwotat minn Wikileaks.  Mhux talli mhuwiex il-kaz li Richard Cachia Caruana "ttradixxa lil pajjizna" kif l-Opposizzjoni qed tiprova tallega, talli l-azzjonijiet tieghu kienu kollha fl-interess ta' pajjizna. Nistenna li fil-jiem li ġejjin din il-mozzjoni mqanżħa tal-Oppożizzjoni tkompli titpoġġa fid-dawl veru tagħha, jiġifieri mozzjoni motivata minn opportuniżmu politiku u bla ebda bażi ta’ verita’. Mozzjoni kontra persuna li huwa ezempju ghall-ufficjali pubblici kollha ghad-dedikazzjoni tieghu u ghas-sens ta' dettall biex iservi bl-aqwa mod lil pajjizu.

Din hi l-verita’ tas-sitwazzjoni politika ta’ pajjiżna.  Oppożizzjoni għatxana għall-poter u li kif tara opportunita’ tgħaġġel biex tipprova tieħu vantaġġ.  Opposizzjoni li ma tiddejjaq xejn biex taghmel character assassination fuq persuna.  L-aqwa li tiprova thammeg ghal gwadann politiku. Il-vjolenza fizika il-Partit Laburista poggiha fil-genb. Post il-vjolenza fizika haditu l-vjolenza morali mbuttata mill-media taghhom. Din hi l-arma favorita taghhom. Opposizzjoni li tinjora l-fatti u tibbaża l-pożizzjoni tagħha fuq argumenti nfondati. 

Regghet harget id-differenza

Illum approvajna fil-Parlament il-Budget ghall-2011 mill-istadji kollha. Jum wara l-iehor kellna d-dibattiti dwar il-voti ta’ kull Ministeru. Nhar it-Tlieta kelli d-dibattitu tal-estimi tal-Ministeru tiegħi. Okkażjoni utli ferm biex fil-Parlament, u l-pajjiż, jingħata rendikont tal-ħidma mwettqa, kif ukoll ta’ dak li hu ppjanat ghas-sena d-diehla.

Sfortunatament ikolli nghid li regghet harget id-differenza bejn il-Gvern u l-Oppożizzjoni. Gvern dinamiku u li għaddej minn ħidma għal oħra, quddiem oppożizzjoni negattiva, xotta mill-idejat u nieqsa minn viżjoni għall-ġejjieni. Oppożizzjoni li tibqa ma ssemmi xejn bħala proposti konkreti tagħha f’setturi tant kruċjali għal pajjiżna bħalma huma l-immaniġġjar tal-iskart, tibdil fil-klima, ħarsien tar-riżorsi, proġetti pubbliċi, agrikoltura u sajd.

L-uniku wiehed minn naha tal-kelliema tal-Opposizzjoni li ghamel proposta konkreta kien, kien l-Onor.Charles Buhagiar. Ikolli nistqarr li b’mod generali l-interventi tal-Onor. Buhagiar ikunu to the point, fattwali u minghajr emozzjoni. U jekk jikritika xorta jaf ikun bilancjat. Charles issuggerixxa li dawk li teknikament ma jistghux ghal ragunijiet teknici jaghmlu bir allura ghandhom jikkontribwixxu go fond li jmur biex jinbnew gibjuni jew ilqugh ghall-ilma. Fil-verita’ hija proposta simili hafna ghal dik ta’ Flood Tax li hareg biha l-Kumitat li sawwar l-Istrategija Nazzjonali ghall-Addattament mit-Tibdil fil-Klima.

Izda x-xitan m’ghandux halib ! Fl-istess seduta izda aktar kmieni d-Deputat tal-Opposizzjoni Joe Mizzi spicca jikritika l-proposta ta’ dan il-Kumitat. Mela remiha ! Ghal darb’ohra spiccajna niffaċċjaw sitwazzjoni fejn kelliem tal-oppozżizzjoni jikkontradixxi lil sieħbu. L-Oppożizzjoni hija grupp ta’ solisti stunati, kulhadd idoqq ghal rasu, b’eccezzjoni ta’ verament ftit deputati li jaghmlu sforz genwien. Dan jikkuntrasta ferm mat-tim tal-Gvern !

Character assassination

L-assassinju tal-karattru mill-Oppożizzjoni Laburista reġa ħareġ fid-deher fl-aħħar jiem b’kampanja ta’ insinwazzjonijiet kontra s-Sur David Spiteri Gingell. Ħareġ ukoll l-element tant għal qalb l-esponenti tal-Oppożizzjoni, dak li bejn il-kliem u l-fatti hemm il-baħar jikkumbatti.

Fil-pubbliku l-Oppożizzjoni fil-passat dejjem tkellmet b’rispett dwar Spiteri Gingell. Fost kitbiet oħra, f’artiklu fil-Malta Independent tas-16 ta’ Settembru 2008, Leo Brincat kien iddeskriva lil Spiteri Gingell bħala bniedem kompetenti meta qal "A committee headed by a highly competent person like David Spiteri Gingell." Iżda malajr waqgħet il-maskra u fl-isforz biex ikomplu jħawdu l-qiegħa u jitfgħu t-tajn dwar il-kuntratt għall-estensjoni tal-power station, l-Oppożizzjoni, bdiet assassinju tal-karattru ta’ Spiteri Gingell. Leo Brincat qal li Spiteri Gingell "ghamel U-turn" fuq l-istrategija dwar l-emissjonijiet u li "dan jaghti lok ghal hafna thassib". Ipprova jinsinwa li Spiteri Gingell kellu xi interessi jaghmel din "il-bidla". Issa kif urejna bil-fatti fi stqarrija ma kien hemm l-ebda "U-turn" la minn Spiteri Gingell u lanqas mill-kumitat.

Leo Brincat jiskandalizza ruhu li Spiteri Gingell qed jaghmel "xoghol ta’ konsulenza ghal kuntrattur Nazzareno Vassallo". Issa kif spjega Spiteri Gingell ix-xogħol ittiehed mill-kumpanija (li hu jifforma parti minoritarja fiha) wara li din rebhet assignment wara li kkompetiet ma' kumpaniji ohra. Barra hekk ix-xoghol ittiehed wara li Spiteri Gingell kien irriżenja minn kull kariga li kellu mal-Gvern. Ix-xogħol involut huwa wieħed li jlaħħaq l-€4,000 u bl-ebda mod m’għandu x’jaqsam max-xogħol li Spiteri Gingell wettaq meta kien jokkupa kariga mal-Gvern.

Din hija s-serjeta’ ta’ Oppożizzjoni li lesta tgħaddi minn fuq kulħadd biex tilħaq l-għan tagħha. L-ghan taghha hu li tbezza lil dawk li lesti jaghtu servizz lil Gvern, biex dawn jibdew jibqghu lura milli jaccettaw li jassocjaw ruhhom ma' xoghol ghall-Gvern. Minn naha l-ohra mbaghad l-istess Opposizzjoni tghid li tqabbad konsulenti biex jghinuha tifformula posizzjonijiet, izda qatt ma tghid minn huma. Meta nikritikawha fuq dan jghidulna, inkluz Leo Brincat, "inkella tippersegwitawhom". Il-veru kaz li l-ispiżjar milli jkollu jaghtik!

Tal-misthija !

Qed nikteb illum mhux nhar il-Gimgha halli nhares lejn l-avvenimenti li sehhew fil-Parlament nhar il-Hamis bil-lejl b’mod aktar distakkat. X’gara ezattament izda l-Hamis ? Waqt il-votazzjoni dwar il-mozzjoni tal-Opposizzjoni fuq l-estensjoni tal-Power Station tqajjmu dubju dwar il-vot anke ghax l-Onor.Mario Galea kien qal “Iva” meta ried jghid “Le” u fil-fatt qam mill-ewwel biex jiccara l-vot tieghu. L-Onor. Deputat Prim Ministru kien ressaq dubji anke fuq kif kienet ivvutat l-Onor. Justyne Caruana. Hawn il-membri tal-Opposizzjoni rvellaw u bdew jghajtu ghajjat sfrenat u insulti lejn l-iSpeaker biex jiddikjara l-vot. L-iSpeaker, ghalhekk iddikjara li ser jissospendi l-Kamra halli jisma’ r-recordings u jivverifika l-votazzjoni.

F’dan l-istadju n-naha tal-Opposizzjoni, fost hafna storbju, theddid u nsulti harget mill-Kamra. L-iSpeaker issospenda l-Kamra u flimkien mal-Iskrivan tal-Kamra ipprova jivverifika l-voti tal-Membri. Izda billi kwazi l-microphones kollha kienu mitfija waqt il-vot, ma kienx possibbli li wiehed jivverifika sew. Ghaldaqstant, l-iSpeaker, peress li ma setax jigi rizolt bis-smigh tar-recording, ha decizjoni abbazi tal-Ordni Permanenti 86 u talab li jittiehed vot iehor.

Ikolli nistqarr li konna zmien twil, sa mill-famuz sajf tal-1998, ma naraw xena bhal dawk fil-Parlament. L-attegjament tal-Opposizzjoni kien tal-misthija. Ghajjat, tisbit, kliem oxxen u tfiegh ta’ kotba indirizzata lejn in-naha tal-Gvern. Kont nahseb li taht Joseph Muscat dawn it-tip ta’ xenati mhu se narawhom qatt aktar. Izda kelli zball.

Jidher car ukoll li l-Kap tal-Opposizzjoni filwaqt li biex jidher “moderat” kien lest jissekonda n-nomina ta’ Dr.Michael Frendo bhala Speaker, mal-ewwel okkazzjoni ma ddejjaq xejn flimkien ma’ shabu jinsulenta lill-istess Speaker. Aktar ma jghaddi z-zmien aktar qed johrog car li hemm differenza kbira bejn il-mod kif Joseph Muscat jiprova jpingi lilu nnifsu u kif verament jagixxi fil-mument tal-prova.

Opposizzjoni bla kontenut

Sena ilu meta hrigna ghall-konsultazzjoni pubblika it-Tieni Strategija Nazzjonali ghall-Immanigjar tal-Iskart, il-Kap tal-Opposizzjoni kien habbar fil-Konferenza Generali tal-PL li "il-PL kien waqqaf team ta' esperti biex jghinu jaghti opinjoni fuq din l-Istrategija". Il-perjodu ta' Konsultazzjoni Pubblika ghalaq u ghaddiet aktar minn sena u s'issa ma smajna b'xejn. Skiet perfett !

La ppublikat il-‘konklużjonijiet’ ta' dan is-suppost team ta' esperti u wisq anqas l-ismijiet tas-suppost esperti. Transparency in action a la PL ! Posizzjoni bhal din malajr turik kemm il-bidliet fil-PL huma verament kosmetici. Partit li jilghan ghall-gallerija imma meta taghsar ma ssib xejn kontenut. Jekk verament l-Opposizzjoni trid tghin fid-diskussjoni nazzjonali dwar l-Immanigjar tal-Iskart, l-input taghha imissha taghtu fil-perjodu tal-Konsultazzjoni Pubblika. Hekk għamel kull min hu ġenwin, serju u jrid verament jikkontribwixxi għal diskussjoni matura fuq dan is-suggett tant sensittiv ghal pajjizna. Dak hu d-dmir taghha bhala Opposizzjoni, bhala partit li suppost huwa alternattiva ghall-Gvern.

Izda minflok issa qalulna li se jaghtu l-input taghhom meta se nressaq id-dokument finali ghad-diskussjoni fil-Parlament ! Din l-attitudni fiha element qawwi ta' arroganza politika. Huwa faċli li l-Oppożizzjoni titkellem dwar l-accountability ta’ ħaddieħor, imma mbaghad tirrinunzja ghar-responsabilitajiet taghha.

Meta f'Jannar 2009 varajt l-Abbozz tal-Istrategija "Aktar Enerġija Nadifa mill-Iskart" kont ghidt "Għalkemm għandna viżjoni ċara u bi proposti konkreti, ma rridux nimxu waħedna. Irridu proċess ta’ konsultazzjoni wiesa’ u li jinkludi lil kulħadd bil-għan li fil-mument tal-implimentazzjoni jkollna kunsens nazzjonali." Jidher li dak l-appell waqa fuq il-widnejn torox tal-Opposizzjoni. L-Opposizzjoni trid tibqa tahrab mir-realta'. Minkejja l-progress li ghamilna f'dan il-qasam, allavolja sibna t-tfixkil mill-Opposizzjoni, pajjizna ghandu bzonn faċilitajiet ohra li jgħinuna nimmassimizzaw l-energija li kapaci nirkupraw mill-iskart, li fil-fatt jista jlahhaq mal-4% tal-energija taghna.

Skiet mill-Opposizzjoni

Wara perjodu ta’ tmien ġimgħat, din il-ġimgħa għalqet il-konsultazzjoni pubblika dwar l-istrateġija nazzjonali bi 87 rakkomandazzjoni ta' miżuri halli nnaqsu l-emissjonijiet tal-gassijiet serra. Dan l-abbozz ta' Strategija thejja mill-Kumitat ta’ Esperti appuntat mill-Gvern f’Ġunju li għadda.

Kienet konsultazzjoni li wasslet biex irċevejna 38 sottomissjoni li issa ser ikunu analizzati mill-istess Kumitat biex imbagħad il-Gvern ikollu f’idejh strateġija li tkun il-pern li fuqha jimplimenta l-miżuri meħtieġa biex pajjiżna jilqa’ għal dan il-fenomenu.

Irrid ngħid li għandi sens ta’ diżappunt, pero huwa fatt ukoll li m’iniex sorpriż li wara ġimgħat sħaħ ta’ miżinformazzjoni u politika ta’ opportuniżmu, dan il-perjodu ta’ konsultazzjoni pubblika għalaq mingħajr ma rċevejna s-sottomissjonijiet tal-Partit Laburista. L-ironija hi li l-Partit li tant ftaħar li kien se jressaq xi Abbozz ta’ Liġi b’miżuri konkreti spiċċa biex hu wieħed mill-ftit stakeholders l-aktar ikkonċernati li ma ressaq ebda proposta jew suġġeriment !

Pero s-skiet tal-Oppożiżżjoni huwa messaġġ fih innifsu li hu aqwa minn kwalunkwe diskors li jista’ jsir. Ġara dak li prevedejna, jiġifieri li l-Oppożizzjoni tajba biss għall-gallerija.
Kif ġara fl-imgħoddi, dan mhux se jaqtalna qalbna. Se nimxu ma’ dak li ġa ħabbarna u hekk kif jitlestew l-analiżi tas-sottomissjonijiet immorru l-Parlament. Nittamaw li dik id-diskussjoni twitti t-triq biex dan l-abbozz ta’ Strateġija isir il-Pjan ta’ Ħidma tal-Gvern għas-snin li ġejjin. Hija xewqa taghna li nsibu consensus. Nibqghu nittamaw !